Buillem Balague, sérfræðingur Sky Sports, segir að Gareth Bale og Zinedine Zidane hafi sjaldan verið í sambandi er þeir unnu saman.

Zidane ákvað óvænt að hætta með Real eftir síðustu leiktíð en liðið vann Meistaradeildina þriðja árið í röð.

Bale gaf það út eftir úrslitaleikinn að hann væri mögulega á förum en hann kom inná sem varamaður í þeim leik.

Talað var um að samband leikmannana hafi versnað með tímanum en Balague segir að það sé ekki rétt.

,,Það varð engin breyting á sambandi hans við Zidane því til að það versni þá þarftu að vera í einhverju sambandi,“ sagði Balague.

,,Sannleikurinn er sá að Zidane, af einhverjum ástæðum, talaði nánast aldrei við Bale.“