KSÍ hefur eignast vöumerkið húh en það var Gunnar Þór Andrésson sem framseldi sambandinu vörumerkið. Fótbolti.net segir frá.

Húh-ið er fagnið sem íslenskir stuðningsmenn nota á hverjum einasta landsleik.

Mikil umræða skapaðist um vörumerkið fyrr á þessu ári þegar Gunnar bannaði Hugleiki Dagssyni að nota það

Hugleikur hafði framleitt boli með þessu fagni okkar Íslendinga og var ekki sammála að hægt væri að eiga húh-ið.

„Kommon, það er ekki hægt að eiga HÚ! frekar en það sé hægt að eiga fólk eða kveikjara. En þá tjáir einkaleyfastofa okkur að HÚH! og HÚ! sé sama orðið. Þannig að Grinch á bæði HÚH! og HÚ!. Og við megum ekki prenta þessa mynd á boli. Því bara hann má. Því að hann sagði pant ég. Ég skil ekki afhverju hann er að gera ves. Mitt HÚ! þarf ekki að trufla hans HÚH!. Við ættum öll að geta HÚ!að saman. Er það ekki það sem HÚ(H)! gengur útá?,“ sagði Hugleikur á sínum tíma.