KR vann sterkan sigur í Pepsi-deild karla í dag er liðið fékk Keflavík í heimsókn á Alvogen-völlinn.

Frans Elvarsson kom Keflavík óvænt yfir í dag en heimamenn svöruðu svo fyrir sig með þremur mörkum.

Pálmi Rafn Pálmason komst tvisvar á blað fyrir KR og Atli Sigurjónsson gerði eitt mark.

Hér má sjá það góða og slæma úr leiknum.

Plús:

Atli Sigurjónsson var frábær á KR-vellinum í dag, gerði vel svo oft í leiknum og kórónaði frábæran leik með góðu marki. Geislar af honum sjálfstraustið.

Dagur Dan Þórhallsson miðjumaður Keflavíkur virðist vera mikið efni. Var besti leikmaður Keflavíkur í leiknum, mjög öflugur.

Sigurinn var afar mikilvægur fyrir KR, liðið er nú tveimur stigum á undan FH sem missteig sig hressilega í Víkinni í dag.

Það er gaman að sjá hvernig leikur KR hefur þróast þetta sumarið, bætingarnar eru miklar og sjáanlegar.

Mínus:

Góð frammistaða hjá Keflavík en niðurstaðan er sú sama og svo oft í sumar. Ekkert stig.

KR hefði í fimmta gír slátrað þessum leik, voru stundum að reyna að komast upp með eins lítið og þeir gátu.