Jon Parkin er nafn sem einhverjir kannast við en hann hefur lengi spilað fyrir minni lið á Englandi.

Parkin er 36 ára gamall í dag og hefur leikið fyrir lið á borð við Hull, Stoke, Cardiff, Preston og Huddersfield.

Parkin leikur í dag fyrir lið York City í utandeildinni og hefur skorað 35 mörk í 55 leikjum þar.

Parkin fór yfir ferilinn í viðtali á dögunum og talaði á meðal annars um versta leikmann sem hann hefur spilað með.

Það er framherjinn Jay Bothroyd sem er uppalinn hjá Arsenal og lék með Parkin hjá Cardiff árið 2011.

Bothroyd á að baki einn enskan landsleik sem hann spilaði árið 2010. Hann hefur verið hjá liðum á borð við Coventry, Wolves, Charlton, Cardiff og QPR á ferlinum.

,,Ég meina.. Jay Bothroyd hjá Cardiff – Vá! Hann er einn sá versti sem ég hef nokkurn tímann séð,“ sagði Parkin.

,,Þetta var komið á þann stað ég mig langaði ekki að vera nálægt honum.“

,,Það var ekki langt síðan hann spilaði fyrir landsliðið og ég held að það hafi gert hann að verri leikmanni.“

,,Hann var slæmur áður en þetta gerði hann svo sannarlega að verri framherja.“