Ísland 2-3 Slóvakía
1-0 Albert Guðmundsson (33’)
1-1 Laszlo Benes (58’)
1-2 Tomas Vestenicky (89’)
2-2 Albert Guðmundsson (víti, 92)
2-3 Marek Rodak (94’)
Íslenska U21 landsliðið tapaði gegn Slóvakíu á ótrúlegan hátt í dag en liðin áttust við á KR-velli.
Um var að ræða leik í undankeppni EM en vonir Íslands um að komast í lokakeppnina eru nú orðnar að engu.
Ísland komst yfir í leiknum í dag á 33. mínútu leiksins er Albert Guðmundsson kom boltanum í netið.
Slóvakía jafnaði metin á 58. mínútu og komst svo yfir þegar ein mínúta var eftir af venjulegum leiktíma.
Ísland fékk svo vítaspyrnu á 92. mínútu í uppbótartíma og úr spyrnunni skoraði Albert sitt annað mark og útlit fyrir að jafntefli yrði niðurstaðan.
Á lokasekúndum leiksins tryggði hins vegar Marek Rodak þeim slóvensku sigur eftir hornspyrnu.
Rodak er markvörður Slóvakíu og skoraði sigurmarkið með skalla eftir hornspyrnu. Ótrúlegt tap hjá íslenska liðinu.
