Erik Hamren landsliðsþjálfari Íslands hefur gert þrjár breytingar á byrjunarliði sínu frá tapinu gegn Sviss og einnig breytt um leikkerfi.
Hörður Björgvin Magnússon, Ari Freyr Skúlason og Rúnar Már Sigurjónsson koma allir inn í byrjunarliðið.
Guðlaugur Victor Pálsson, Rúrik Gíslason og Björn Bergmann Sigurðarson missa sæti.
Birkir Bjarnason sem glímt hefur við meiðsli er klár og þá kemur Emil Hallfreðsson inn en hann gat ekki spilað gegn Sviss.
Hörður Björgvin Magnússon er einnig klár í slaginn. Rúnar Már Sigurjónsson og Ari Freyr Skúlason leika sem kantmenn í dag.
Hamren spilaði 4-4-2 leikkerfið gegn Sviss en fer í 4-5-1 kerfið í dag með Gylfa Þór Sigurðsson fyrir aftan Jón Daða Böðvarsson.
Byrjunarlið Íslands:
Hannes Þór Halldórsson
Birkir Már Sævarsson
Ragnar Sigurðsson
Sverrir Ingi Ingason
Hörður Björgvin Magnússon
Rúnar Már Sigurjónsson
Birkir Bjarnason
Emil Hallfreðsson
Ari Freyr Skúlason
Gylfi Þór Sigurðsson
Jón Daði Böðvarsson
