Arsenal á Englandi þarf að treysta á það að önnur lið misstígi sig í deildinni segir fyrrum leikmaður liðsins, Lee Dixon.

Dixon er ekki hrifinn af byrjun Arsenal í deildiinni en liðið er með tvo sigra og tvö töp eftir fyrstu fjórar umferðirnar.

,,Ég horfi á efstu fjögur liðin og hvernig þau hafa byrjað og hugsa með mér að þetta verði mjög erfitt,” sagði Dixon.

,,Þó að Arsenal hafi náð í tvo sigra þá gáfum við West Ham urmul af færum og það voru svipuð tækifæri fyrir önnur lið gegn okkur.”

,,Ég hef ekki mikla trú á þessu. Þetta mun taka tíma og ég horfi á efstu fjögur og hugsa hvar við gætum komist inn.”

,,Við þurfum að bæta okkur mikið og önnur lið þurfa að misstíga sig.”