Cristiano Ronaldo spilaði sinn fyrsta leik fyrir lið Juventus um helgina í 3-2 sigri á Chievo í fyrstu umferð.

Juventus vann leikinn á dramatískan hátt en sigurmark liðsins kom á 93. mínútu leiksins er Federico Bernardeschi kom knettinum í netið.

Ronaldo tókst ekki að skora í leiknum né leggja upp en hann varð þó fyrir því óláni að meiða markvörð Chievo, Stefano Sorrentino.

Sorrentino missti meðvitund eftir samstuð við Ronaldo og var rakleiðis fluttur á sjúkrahús.

Sem betur fer er í lagi með Sorrentino en hann verður þó frá í dágóðan tíma eftir ansi ljótt samstuð við Portúgalann.

Hér fyrir neðan má sjá myndir af samstuðinu og ástand Sorrentino eftir aðhlynningu.