Gary Neville, fyrrum leikmaður Manchester United, er afar hrifinn af varnarmanni Liverpool, Virgil van Dijk.
Neville líkir Van Dijk við fyrrum samherja sinn hjá United, Jaap Stam sem stóð sig mjög vel á Old Trafford.
,,Mér fannst Van Dijk standa sig vel hjá Southampton en hann hefði ekki átt að kosta 75 milljónir punda,“ sagði Neville.
,,Ég hélt þó líka að hann myndi ekki hafa eins mikil áhrif á vörn Liverpool og hann hefur gert.“
,,Hann er skrímsli og minnir svolítið á Jaap Stam. Það er eins og hann kasti öðrum leikmönnum bara til hliðar.“
