Jose Mourinho, stjóri Manchester United, segir að það sé rangt að kalla hann ‘knattspyrnustjóra’ en Portúgalinn segist ekki fá að ráða miklu hjá félaginu.
Mourinho og félagar unnu Leicester City 2-1 á föstudaginn í fyrstu umferð deildarinnar en Mourinho býst þó enn við erfiðu tímabili.
,,Ég er byrjaður að spila í deildinni og markaðurinn er lokaður, það er staða sem ég bjóst ekki við að vera í,“ sagði Mourinho.
,,Fyrir okkur þá verður þetta erfitt tímabil því ég var með mikið planað í marga mánuði.“
,,Þannig er að vera knattspyrnustjóri. Fótboltinn er að breytast og ‘knattspyrnustjórar’ ættu frekar að vera kallaðir aðalþjálfarar.“
,,Við erum með mikið af starfsfólki og erum frekar aðalþjálfarar en stjórar. Þannig er fótboltinn í dag.“
