Hólmbert Aron Friðjónsson átti stórleik fyrir lið Aalesund í Noregi í dag er liðið mætti Floro í deildinni.

Aalesund hefur spilað mjög vel á tímabilinu en liðið stefnir á að komast aftur í deild þeirra bestu í Noregi.

Liðið vann sannfærandi 4-1 sigur á Floto íd ag og er nú með fjögurra stiga forskot á toppi deildarinnar.

Aron Elís Þrándarson og Hólmbert spiluðu allan leikinn fyrir Aalesund í dag og átti Hólmbert dag sem hann mun seint gleyma.

Íslenski framherjinn gerði þrennu í öruggum sigri liðsins en hann hefur verið afar duglegur að skora eftir að hafa komið til liðsins frá Stjörnunni.

Hólmbert er markahæsti leikmaður norsku B-deildarinnar en hann hefur gert 14 mörk í 18 leikjum og lagt upp önnur fjögur.

Ibrahim Shuaibu, leikmaður Kongsvinger, er næstur á eftir Íslendingnum en hann hefur gert 12 mörk.