Jerome Boateng, varnarmaður Bayern Munchen, hefur verið orðaður við Manchester United í sumar.
Jose Mourinho er sagður vera aðdáandi leikmannsins og vildi fá hann áður en félagaskiptaglugginn lokar fyrir United á fimmtudag.
Samkvæmt Bild hefur Boateng þó ekki áhuga á að semja við United og hringdi sjálfur í Mourinho.
Boateng þakkaði Portúgalanum fyrir að sýna sér áhuga en sagðist ekki vera opinn fyrir því að spila fyrir félagið.
Það vekur athygli en Boateng hefur greint frá því að hann vilji spila fyrir nýtt lið á næstu leiktíð.
Boateng gæti hins vegar verið á móti því að fara til Manchester eftir stutta dvöl hjá Manchester City á sínum tíma.
