Erik Hamren verður nýr landsliðsþjálfari Íslands en þetta kemur fram í kvöld. Hamren hefur undanfarið starfað hjá liði Mamelodi Sundowns í Suður-Afríku.
Mamelodi staðfesti það á Twitter síðu sinni í kvöld að Hamren væri hættur hjá félaginu til þess að taka við íslenska landsliðinu.
Guðni Bergsson, formaður KSÍ, staðfesti það á dögunum að viðræður við þann sænska Hamren hafi átt sér stað.
Hamren hefur starfað sem yfirmaður knattspyrnumála í Suður-Afríku en hann þjálfaði sænska landsliðið frá 2009 til 2016.
,,Mamelodi Sundowns staðfestir það að Erik Hamren hafi verið leystur undan samning svo hann geti tekið við sem landsliðsþjálfari Íslands sem tók þátt á HM í Rússlandi í sumar,“ kom fram í færslu félagsins.
Einnig er Hamren þakkað fyrir vel unnin störf hjá félaginu og óskar liðið honum góðs gengi í framtíðinni.
Media Release:
Mamelodi Sundowns have announced that their Head of Technical, Erik Hamren has been released from his contract to take over as the national coach of Iceland, which participated in the FIFA World Cup in Russia.
1of2…
— Mamelodi Sundowns FC (@Masandawana) 6 August 2018
The President of Mamelodi Sundowns, Dr Patrice Motsepe, the Board, Technical team, management and staff thank Erik Hamren and wish him everything of the best in his new role.
2of2
— Mamelodi Sundowns FC (@Masandawana) 6 August 2018
