Barcelona á Spáni hefur mikinn áhuga á því að fá miðjumanninn Paul Pogba sem spilar með Manchester United.
Sky Sports greinir frá því í kvöld að Barcelona sé tilbúið að láta United fá tvo leikmenn í skiptum fyrir Pogba.
Ekki nóg með það heldur myndi spænska félagið einnig borga 45 milljónir punda upp í það að fá franska leikmanninn.
Barcelona er til í að láta United fá þá Andre Gomes og Yerry Mina í skiptum fyrir Pogba sem og að borga fyrrnefnda upphæð.
Samkvæmt Sky hefur United þó engan áhuga á að taka þessu tilboði og vill ekki losna við Pogba í sumar.
