Hinn 16 ára gamli Andri Lucas Guðjohnsen hefur gert samning við spænska stórliðið Real Madrid.
Þetta staðfesti móðir leikmannsins, Ragnhildur Sveinsdóttir, á Instagram síðu sinni nú í kvöld.
Andri er talinn gríðarlega efnilegur leikmaður en hann var áður partur af akademíu Espanyol.
Andri er sonur Eiðs Smára Guðjohnsen, fyrrum leikmanns Barcelona og markahæsta leikmanns í sögu íslenska landsliðsins.
,,Ég er svo ótrúlega stolt af stráknum mínum sem skrifaði í dag undir samning við Real Madrid,“ skrifaði Ragnhildur á Instagram.
,,Það er klikkað hvað ég er ánægð fyrir hans hönd og til hamingju, ég veit hversu hart þú hefur lagt að þér og munt halda áfram að gera það. Framtíðin er björt.“
Andri er sóknarmaður eins og pabbi sinn var en hann er einnig fyrirliði U17 landsliðsins.
