Jurgen Klopp, stjóri Liverpoool, hefur gefið sterklega í skyn að hann muni styrkja liðið enn frekar í sumar.

Klopp hefur fengið fjóra leikmenn til Liverpool í sumar en nú styttist í að félagaskiptaglugginn fyrir úrvalsdeildarlið loki.

Klopp ræddi við blaðamenn í gær en hann vildi lítið gefa upp þar sem hann vill ekki eyðileggja gluggadaginn fyrir stuðningsmönnum.

,,Ég get ekki eyðilagt gluggadaginn fyrir ykkur! Fólkið situr fyrir framan skjáinn allan daginn,“ sagði Klopp.

,,Fólk fylgist með því hver er að kaupa hvern og hver selur hvern. Ég mun ekki horfa því ég verð að vinna.“