Vængmaðurinn Xherdan Shaqiri hefur skrifað undir samning við lið Liverpool á Englandi.
Þetta var staðfest í kvöld en Shaqiri hefur sterklega verið orðaður við Liverpool síðustu vikur.
Shaqiri lék með svissnenska landsliðinu á HM í sumar og hefur undanfarin ár verið samningsbundinn Stoke.
Eftir fall Stoke úr efstu deild varð ljóst að Shaqiri væri á förum og hefur hann fundið sér nýtt lið.
Shaqiri kostar Liverpool 13,5 milljónir punda og gerir fimm ára samning.
