Ryan Giggs, fyrrum leikmaður Manchester United, segist vita af hverju Cristiano Ronaldo fór til Juventus.
Ronaldo gerði samning við Juventus í gær en hann hefur undanfarin níu ár leikið með Real Madrid.
Giggs telur að Ronaldo hafi tekið þetta skref til þess að bæta ferilskrá sína en hann vann allt mögulegt á Spáni.
,,Þetta er stór áskorun fyrir hann, hann er að fara í risastórt félag. Það er engin smá ferilskrá að hafa spilað fyrir Real Madrid, Manchester United og Juventus,“ sagði Giggs.
,,Hann verður að vera betri en Messi. Hann getur sagt það núna að hann hafi náð árangri á Englandi, Spáni og mun taka yfir Ítalíu. Svo með portúgalska landsliðinu.“
,,Kannski er þetta það sem hann mun nefna þegar fólk spyr sig hvor sé betri Ronaldo eða Messi?“
