Stuðningsmenn Englands eru margir hverjir ekki of sárir eftir úrslit kvöldsins er enska landsliðið tapaði 2-1 fyrir Króötum á HM.
Englendingar eru í fyrsta sinn í langan tíma stoltir af sínum mönnum eftir góða frammistöðu á mótinu.
Liðið komst alla leið í undanúrslit og datt úr keppni eftir framlengingu í kvöld. Niðurstaðan 2-1 fyrir Króötum á Luzhniki vellinum.
Enskir stuðningsmenn voru lengur en aðrir á velli kvöldsins og sungu lagið Don’t Look Back in Anger sem hljómsveitin Oasis samdi.
Oasis var gríðarlega vinsæl hljómsveit á Englandi á sínum tíma en hætti störfum árið 2009.
Don’t Look Back in Anger er mjög vinsælt lag sem hljómsveitin samdi og er textinn viðeigandi eftir úrslit kvöldsins.
Hér fyrir neðan má sjá myndband af stuðningsmönnum syngja lagið.
England fans have stayed behind at the Luzhniki and are singing Oasis’ Don’t Look Back in Anger#WorldCup pic.twitter.com/Gn3twWZGJP
— Indy Football (@IndyFootball) 11 July 2018
