Ólafur Ingi Skúlason miðjumaður Íslands er að verða klár í slaginn fyrir Heimsmeistaramótið í Rússlandi.

Ólafur er afar reyndur leikmaður og mun spila stórt hlutverk innan sem utan vallar í Rússlandi.

Fatlaður sonur Ólafs var einn af þeim sem leiddi leikmenn Íslands inn á völlinn gegn Noregi um helgina.

Það voru krakkar úr Klettaskóla sem löbbuðu með strákunum okkar út a völlinn.

,,Þetta var mjög flott, þetta var frábært. Þetta var æðislegt fyrir krakkana og foreldra þeirra,“ sagði Ólafur Ingi í viðtali við fjölmiðla í dag.

,,Þetta var flott gert hjá KSÍ, krakkarnir nutu þess. Þetta var alveg frábært.“

,,Strákurinn minn var mjög ánægður, hann var mjög hrifinn af því að hafa sést í sjónvarpinu. Mjög glaður með þetta, þau öll. Það voru allir mjög glaðir.“

Viðtalið við Ólaf er í heild hér að neðan.