Lars Lagerback er mættur aftur til Íslands en nú sem þjálfari Noregs, fram undan er æfingaleikur á laugardag.

Lagerback á stóran þátt í mögnuðum árangri Íslands og stýrði liðinu síðast á EM í Frakklandi.

,,Það er gaman að koma aftur, Ísland mun alltaf eiga stóran hluta í hajrta minu. Ég er hrifinn af því sem þeir hafa gert eftir að ég hætti, þeir áttu frábæra undankeppni. Ég er glaður að koma aftur. Vonandi getum við komið Íslandi niður á jörðina í þessum leik,“ sagði Lagerback við fréttamenn í Laugrdalnum í dag.

,,Við vorum að koma, ég hef hitt nokkra vini eftir að ég kom aftur en bara hér á vellinum.“

Lagerback sér ekki eftir því að hafa hætt með Ísland en KSÍ reyndi að fá hann til að halda áfram.

,,Ég get ekki sagt að ég hafi séð eftir því, það var allt á hreinu þegar við skrifuðum undir að ég yrði í tvö ár en Heimir væri með fjögurra ára samning.. Ef þú skoðar hvað þeir gerðu eftir að ég fór, þá var líklega mjög gott að ég hætti. Þeir hefðu kannski ekki farið áfram með mig, ég hélt að ég væri kannski hættur í fótbolta. Ég er lélegur að taka ákvarðanir, Noregur kom kallandi.“