Robert Lewandowski verður ekki á meðal þátttakenda á Heimsmeistaramótinu 2026 eftir að Pólland tapaði 3-2 gegn Svíum í umspili í gær.

Lewandowski, sem er 37 ára og hefur skorað 89 mörk fyrir Pólland, náði ekki að leiða lið sitt á mótið og gæti því hafa spilað sinn síðasta stórmótsleik á landsliðsferlinum. Framherjinn hefur átt glæsilegan feril og unnið fjölda titla, meðal annars með Bayern Munich og Barcelona.

Hann er ekki eini stórleikmaðurinn sem missir af mótinu. Gianluigi Donnarumma verður einnig fjarri góðu gamni eftir að Ítalía féll úr leik í vítaspyrnukeppni gegn Bosníu-Hersegóvínu.

Þetta er þriðja undankeppni í röð sem Ítalía nær ekki að tryggja sér sæti á HM, sem er mikið áfall fyrir knattspyrnuþjóðina.

Fleiri stórar byssur verða heima í sumar eins og sjá má hér að neðan.