Cristiano Ronaldo, ein besti knattspyrnumaður sögunnar og leikmaður Manchester United, minnist þess í nýrri þáttaröð Netflix, sem fjallar um unnustu hans, Georginu Rodriguez, við hvaða kringumstæður hann hitti hana fyrst.
Árið 2016 var Ronaldo að skoða sig um í Gucci verslun þegar að hann sá Georginu í fyrsta skipti en hún vann í versluninni sem söluráðgjafi á þeim tíma.
,,Frá þeirri stundu gat ég ekki hætt að hugsa um hana,“ segir Ronaldo í þáttunum sem verða aðgengilegir á Netflix.
Georgina var í þann mund að fara yfirgefa verslunina þar sem að vakt hennar var lokið þegar að hún sá Ronaldo.
,,Ég sá bara þennan myndarlega mann birtast og fékk fiðrildi í magann,“ segir Georgina í þáttunum.
Síðan þá hafa þau komið upp heimili saman en Ronaldo átti fyrir þrjú börn en saman eiga þau þriggja ára dóttur sína Alönu. Þá á parið von á tvíburum.
View this post on Instagram