Finnland vann mikilvægan sigur á Bosníu í undankeppni HM í dag. Leikið var á Bilino Polje vellinum.
Finnar fengu vítaspyrnu eftir rúmlega tuttugu mínútna leik en Teemu Pukki lét verja frá sér á punktinum. Marcus Forss kom Finnum yfir á 29. mínútu en átta mínútum síðar fékk Jukka Raitala að líta rauða spjaldið.
Það fékk þó ekki á Finnana því að Robin Lod tvöfalfaði forskot þeirra á 51. mínútu. Luka Menalo minnkaði muninn fyrir Bosníu á 69. mínútu en Daniel O’Shaughnessy gulltryggði Finnlandi sigur fjórum mínútum síðar oy lokatölur 3-1.
Finnland er í öðru sæti D-riðils með 11 stig. Bosnía er í fjórða sæti með 7 stig.
