Wolfsburg 1-4 Lyon
1-0 Pernille Harder(93′)
1-1 Amandine Henry(98′)
1-2 Eugenie Le Sommer(99′)
1-3 Ada Hegerberg(103′)
1-4 Camille Abily(117′)
Sara Björk Gunnarsdóttir var að sjálfsögðu á sínum stað í kvöld er Wolfsburg spilaði í úrslitum Meistaradeildarinnar.
Sara Björk byrjaði á miðju Wolfsburg í leiknum en var tekin af velli nokkuð snemma í síðari hálfleik.
Wolfsburg lék við Lyon og var franska liðið mun sterkari aðilinn. Ekkert mark var þó skorað í venjulegum leiktíma.
Það fór allt af stað í framlengingunni og náði Wolfsburg forystunni eftir aðeins þrjár mínútur.
Stuttu síðar fékk svo Alexandra Popp að líta rauða spjaldið hjá þeim þýsku er hún fékk sitt annað gula spjald.
Þá svaraði Lyon með þremur mörkum á aðeins fimm mínútum og staðan allt í einu orðin 3-1 fyrir þeim frönsku.
Camille Abily bætti svo við fjórða marki Lyon undir lok framlengingarinnar og lokastaðan í Kiev 4-1.