Athyglisverður fundur í Washingon
Árið 1957 fór Isolde Zitzewitz einu sinni sem oftar í verslun Bon Marche í Washington-ríki í Bandaríkjunum til að kaupa inn.
Svo óheppilega vildi til að Isolde glataði veskinu sínu meðan hún var inni í versluninni, en hvernig hún tapaði því liggur ekki alveg fyrir.
Nýlega stóðu yfir framkvæmdir í þessu sama húsnæði í Spokane, sem nú hýsir verslunarrisann Macy‘s, og þá kom veskið í leitirnar.
Í frétt Spokesman-Review, sem segir frá þessum merkilega fundi, kemur fram að veskið hafi fundist í frárennslisröri en óvíst er hvernig það endaði þar.
Í veskinu voru persónuskilríki Isolde Zitzewitz en eftir að Spokesman-Review fór á stúfana kom upp úr krafsinu að hún lést árið 2009. Í veskinu fannst kreditkort frá American Express, ökuskírteini, kvittun fyrir ís og kaffi frá Fred Meyer.
Í umfjöllun Spokesman-Review var rætt við frænda Isolde, Gus Zitzewitz, sem sagði að Isolde hefði verið fróð og vel að sér um ýmis mál. Hún kvæntist aldrei og eignaðist engin börn.