Valerie McDaniel tók sitt eigið líf í stað þess að horfast í augu við gjörðir sínar
Útsmogið ráðabrugg tveggja elskenda um að ráða maka sína af dögum fór hrapalega úrskeiðis þegar í ljós kom að leigumorðingi, sem þau ætluðu að ráða til verksins, var í raun rannsóknarlögreglumaður. Annar aðilin, hin 48 ára gamla Valerie Busick McDaniel, gat ekki horfst í augu við gjörðir sínar og ákvað að stökkva fram af háhýsi í Houston og taka þar með sitt eigið lífi. Atvikið átti sér stað síðastliðin miðvikudag.
McDaniel hafði átt í ástarsambandi við hinn 39 ára gamla Leon Jacob um nokkur skeið þegar þau fengu hina djöfullegu hugmynd. Þau höfðu samband við mann, sem þau töldu að væri leigumorðingi, og skipulögðu fund á veitingakeðjunni Olive Garden. Þar buðu þau hinum meinta morðingja 20.000 dali sem og tvö Cartier-úr fyrir að koma mökum sínum fyrir kattarnef. Átti morðið á eiginmanni McDaniel, sem var faðir átta ára dóttur hennar, að líta út sem misheppnað bílrán.
Lögreglan í Houston hafði samband við eiginmanninn, sem og kærustu Jacob, og greindu þeim frá ráðabrugginu. Þau samþykktu að láta taka myndir af sér þar sem ekki var annað að sjá en að þau hefðu verið myrt. Því næst skipulagði lögreglumaðurinn fund með McDaniel og Jabob þar sem þau inntu greiðsluna af hendi.
Skötuhjúin voru því næst handtekin og áttu réttarhöld að hefjast yfir þeim um miðja vikuna. Eins og áður segir ákvað McDaniel að taka sitt eigið líf áður en til þess kom. Hægt er að lesa meira um málið hér