,,Héðan úr Litluá eru bara góðar fréttir,” sagði Jón Trygvi Helgason og bætti við að í gær hafi norskur veiðihópur lokið nokkurra daga dvöl við veiðar í Litluá og Skjálftavatni. Sem endranær veiddu þau vel um alla ána sem og í vatninu.
Athygli vekur hið gríðarlega magn af mýflugum sem er á svæðinu núna og skapar mikið æti fyrir fiskinn. Þurfa því veiðimenn að laga sig að aðstæðum og nota agn sem hentar í samkeppninni við fluguna.
Þá veiddust stórir fiskar og var sá stærsti 5kg 81cm og höfðu veiðimenn á orði að fiskurinn væri mjög vel á sig kominn, feitur og pattaralegur,” sagði Jón Tryggvi ennfremur.
Myndir. Fjör við Litluá í Kelduhverfi þessa dagana.