Þegar kemur að ræktun tómatplantna þá kann það að virðast algjört smáatriði hvort þær eru í potti eða beði. En þetta getur skipt miklu máli varðandi uppskeru sumarsins.

Það er auðvitað snúið að rækta tómatplöntur utanhúss hér á landi en það þýðir ekki að það sé ekki hægt að spreyta sig á því verkefni og hafa gaman af.

Í umfjöllun LA.LV kemur fram að þegar tómatplöntur eru valdar, þá snúist þetta fyrst og fremst um sortina. Þetta séu ekki bara praktískar upplýsingar á fræpokanum, heldur einhverskonar áætlun fyrir hvernig plantan mun þroskast.

Sumar tegundir vaxa þétt og hætta að vaxa þegar þær hafa náð ákveðinni hæð. Þær nota síðan orku sína í að mynda tómata og henta því fullkomlega í potta á svölunum eða pallinum. Ræturnar þurfa ekki svo mikið pláss og það er auðvelt að hugsa um plöntuna.

Aðrar tegundir vaxa allt öðruvísi. Þær breikka allt ræktunartímabilið og geta orðið margir metrar á hæð. Þær þurfa pláss, stuðning og stöðugleika ef þær eiga að skila góðri uppskeru.

Þetta þýðir einfaldlega að pottar henta ekki fyrir allar tegundir tómatplantna. Planta, sem vex hratt og mikið, lendir fljótlega á vegg ef ræturnar hafa ekki nóg pláss. Það getur haft áhrif á stærð og magn tómata.

Minni tegundir þrífast vel í pottum því þar fá þær nóga næringu og vatn.