Rauður varalitur flugfreyja er eitt þekktasta stílmerki fluggeirans. Það er ákveðin ástæða fyrir að flugfreyjurnar nota rauðan varalit og skýringin er ekki alveg eins einföld og margir kunna að halda.

Hluti af skýringunni er öryggi. Heather Poole, sem starfaði sem flugfreyja í 20 ár og skrifaði bókina „Cruising Attitude“ segir að sterkur rauður varalitur hafi orðið fyrir valinu af praktískum ástæðum.

Farþegarnir eiga nefnilega auðveldara með að lesa varahreyfingar flugfreyjanna ef mikill hávaði, reykur eða öngþveiti ríkir um borð.

„Við urðum alltaf að vera með hann,“ sagði hún að sögn Reader‘s Digest.

En ekki eru allar flugfreyjur sammála Poole um þetta. Reader‘s Digest hefur eftir Sydney Anisitine, sem er reynd flugfreyja, að hún hafi aldrei heyrt að þetta sé ástæðan. Hún sagðist frekar hallast að því að ástæðan sé markaðssetning, að flugfreyjurnar líti allar eins út og skýrt og fagmannlegt yfirbragð.

Þessi skýring fellur vel við það hvernig mörg alþjóðleg flugfélög vinna með útlit starfsfólks sem hluta af vörumerkinu. Má þar nefna Emirates flugfélagið sem er þekkt fyrir mjög  ákveðin stíl þar sem rauður varalitur er hluti af heildarútliti flugfreyjanna.