Að því sögðu er rétt að nefna að epli eru frábær stuðningur á leiðinni til að léttast. Þau innihalda mikið af trefjum, sem valda mettunartilfinningu og draga úr matarlystinni, sem er sérstaklega gagnlegt ef epli er borðað að kvöldi, áður en farið er í háttinn.
Epli innihalda einnig ekki mjög margar hitaeiningar og hafa ekki stórvægileg áhrif á blóðsykurmagnið. Það er stór kostur því það eykur líkurnar á rólegri svefni.
Rannsókn, sem hefur verið birt í Food Chemistry, beindist að hvaða áhrif efni í sjö eplategundum hefðu á þarmabakteríurnar hjá músum í ofþyngd. Niðurstaðan var að eplin hafa gagnleg áhrif á þarmaflóruna. Telja vísindamennirnir, sem stóðu að rannsókninni, að þessi uppgötvun geti leitt til nýrrar nálgunar við að fyrirbyggja offitu hjá fólki.
Annar kostur við epli er að trefjarnar í þeim mynda gel sem verndar magaslímhúðina. Eitt epli eftir matinn eða fyrir háttinn, hjálpar til við að gera magasýruna hlutlausa, skapar meira basískt umhverfi í maganum og dregur úr einkennum bakflæðis. UOL skýrir frá þessu.
Epli innihalda einnig efni sem eru góð fyrir heilann. Þau innihalda einnig B-vítamín, C-vítamín og fosfórsýru sem verndar taugakerfið.
Eitt epli á dag er nóg og mælt er með að það sé borða hrátt án þess að taka utan af því. Það er til að við fáum eins mikið af næringarefnunum úr því og hægt er. Ef maður drekkur eplasafa í staðinn missir maður af miklu af trefjunum og þar með mörgum af kostunum við að borða epli.
Aðrir kostir við að borða epli daglega eru:
Minni líkur á hjarta- og æðasjúkdómum.
Minni líkur á sykursýki 2.
Betri starfsemi þarmanna.
Getur verndað gegn ýmsum tegundum krabbameins (lungna-, munn-, meltingarfæra- og brjóstakrabbameini).
Minni líkur á að fá astma.
Leggur sitt af mörkum til að hreinsa tennurnar og tannholdið og kemur í veg fyrir holumyndun.
Styrkir ónæmiskerfið.
Lækkar blóðfitumagnið.
Styrkir beinþéttnina.
Vinnur gegn augnsjúkdómum.
Hægir á öldrunarferlinu.
