Þú þekkir kannski tilfinninguna um að þér er kalt en um leið er öllum í kringum þig heitt. Fyrir suma er það bara hitastigið sem veldur þessu en fyrir aðra getur stöðug kuldatilfinning verið leið líkamans til að segja að eitthvað sé í ólagi.

Þegar manni verður auðveldar kalt en öðrum, þá snýst það oft um hvernig líkaminn deilir orku og blóði.

Vísindamenn segja að næring og hormónar hafi meiri áhrif á hitakerfi líkamans en flestir reikni með. Ef blóðið flytur minna súrefni eða ef blóðflæðið er hægt, þá hægir á hitaframleiðslunni og kuldinn sækir fyrr á.

Járnskortur, hæg efnaskipti og minni súrefnisflutningar eru meðal helstu ástæðnanna. Allir þessir þættir geta dregið úr getu líkamans til að halda sér heitum og þess vegna orsakað handakulda, fótkulda eða almennan líkamskulda. The Times of India skýrir frá þessu og segir einnig að líkamsbyggingin skipti einnig máli hvað þetta varðar.

Fita virkar sem einangrun og án hennar hverfur hitinn hraðar úr líkamanum. Um leið mynda vöðvar hita þegar þeir eru að störfum og lítill vöðvamassi getur því einnig skipt máli.

Lágur blóðþrýstingur eða veikburða æðastarfsemi getur einnig truflað kuldatilfinninguna.

Algengir þættir hvað þetta varðar, eru:

Skortur á B12-vítamíni og járni.

Hormónasveiflur eða hæg efnaskipti.

Lélegt blóðflæði.

Lítil líkamsþyngd eða takmarkaður vöðvamassi.

Kuldatilfinning getur auðvitað virkað eins og smávegis óþægindi en hún getur einnig verið merki um undirliggjandi ójafnvægi.

Vísindamenn segja að oft sé hægt að bæta ástandið með því að breyta mataræðinu, hreyfingamynstrinu og fara oftar í heilsufarsskoðun.