Það vakti að vonum mikla athygli viðstaddra að Karl virtist ekki kippa sér mikið upp við þetta, hann hreyfðist ekki úr stað og leit síðan niður til að skoða ermahnappana sína. Að sögn enskra fjölmiðla fékk hann í kjölfarið viðurnefnið „Prince of Coolness“ (Svali prinsinn).
Express segir að prinsinn hafi verið að undirbúa sig undir að flytja ræðuna, þegar ungur maður, sem síðar kom í ljós að var hinn 23 ára David Kang, gekk að honum og skaut tveimur skotum úr startbyssu. Sem betur fer var aðeins um púðurskot að ræða.
Þegar Karl ræddi þetta atvik síðar sagði hann að það hefði verið skelfilegri lífsreynsla þegar karlfíll réðst á hann og bætti við að það „væri svolítið kjánalegt að vera að skjóta“.
Kang ætlaði sér ekki að drepa Karl, hann ætlaði bara að ná athygli hans, sem hann gerði með þessu, en í staðinn fyrir að geta talað við prinsinn, var hann lagður í jörðina og færður í varðhald.
Kang var síðar dæmdur til að vinna 500 klukkustundir í samfélagsþjónustu.
