Ef svo er, þá er það ekki undarlegt því það virðist vera samhengi á milli þess að spara peninga, hvort sem það er að leggja fyrir eða með lægri útgjöldum, og gleði.
Metro segir að sparnaður sé því ekki bara góður fyrir fjárhag okkar, heldur hafi hann einnig jákvæð áhrif á andlega vellíðan okkar.
Vísindamenn við University of South Australia rannsökuðu tengslin á milli daglegra fjárhagslegra vana og andlegrar líðanar.
Allt frá því að leggja reglulega til hliðar til þess að greiða reikninga á réttum tíma er mjög gott fyrir andlega heilsu fólk. Ástralska rannsóknin bendir því til að fjármálin og skapið þitt tengist sterkari böndum en þú heldur.
Í rannsókninni var fylgst með rúmlega 17.000 manns, 15 ára og eldri, í tvo áratugi. Vísindamennirnir komust að því að fólk sem var með traustar fjárhagslegar venjur, sérstaklega þeir sem lögðu reglulega til hliðar og greiddu reikninga á réttum tíma, sagðist líða betur andlega og það sagðist einnig vera orkumeira, sagði félagslífið vera betra og það sagðist einnig vera mjög hamingjusamt.
Rajabrata Banerjee, prófessor í hagfræði, sagði að þrátt fyrir að fjárhagslega tengt stress hafi lengi verið þekktur þáttur hvað varðar andlega líðan, þá hafi sjónunum ekki svo mikið verið beint að jákvæðum áhrifum góðra fjárhagsvana á borð við að leggja peninga til hliðar.
