En þótt þú elskir að þvo þvott, þá gerir þú líklega mörg mistök í ferlinu að sögn AARP.
Þú flokkar ekki – Að skilja hvítt og dökkt að er bara upphafið. Sérfræðingar mæla með að viðkvæm efni séu aðskilin frá gerviefnum og að gallafatnaður sé þveginn sér, skiptir þá engu þótt gallabuxurnar og uppáhaldsbolurinn þinn séu eins á litinn.
Þú setur of mikið í þvottavélina – Ef þú setur mikið í vélina getur þú minnkað þann tíma sem þú notar til að sinna þvottinum en fötin verða hugsanlega ekki eins hrein. Ástæðan er að þegar við yfirfyllum vélina, getur þvotturinn ekki snúist í nægilega marga hringi og því verður þvæst hann misjafnlega og þú situr jafnvel uppi með þvottaefnisleifar á fötunum.
Þú notar of mikið þvottaefni -Þvottaefni er ætlað að góma skít og drullu og send niður í frárennsli vélarinnar. En sumar þvottavélar eru ekki nægilega öflugar til að geta haldið í við of mikið þvottaefni. Það gerir það sem það á að gera en skolast ekki úr vélinni svo það bindur sig við fötin og tekur skítinn og drulluna með sér.
Þú hunsar þvottaleiðbeiningarnar – Ef þú lest þvottaleiðbeiningarnar, á litla miðanum í fötunum, sjaldan, þá ertu ekki ein(n) um það. En það er ástæða fyrir því að þessar leiðbeiningar eru þarna og það er snjallt að lesa þær og fara eftir þeim.
Þú setur föt í þurrkarann – Það er í fínu lagi að nota þurrkarann fyrir handklæði, lök og sokka en annað á að hengja til þerris. Ástæðan er að hitinn fer illa með efnið í fatnaði og dregur úr styrk þess sem aftur eykur hættuna á að hann rifni.
