Kartöflur á aldrei að borða hráar því þær geta verið hættulegar því þær innihalda sólanín sem getur verið lífshættulegt í miklu magni að sögn SciTechDaily. En það þarf nú að borða ansi mikið magn af hráum kartöflum til að það verði hættulegt. Þess utan er mjög líklegt að þér verði óglatt ef þú borðar þær hráar, svo það er bara að sjóða þær eða steikja.
Nýrnabaunir innihalda efni sem heitir fýtóhemagglútínín en það getur valdið alvarlegri ógleði og uppköstum, meira að segja ef það er í litlu magni. Þetta eiturefni er um 1% af ómeðhöndluðum baunum og það þarf ekki að borða nema fjórar til fimm baunir til að vandamál komi upp. Sem betur fer, hverfur eitrið úr baununum þegar þær eru soðnar. En það er góð regla að hella vatninu eftir suðuna til að tryggja að ekkert fari ofan í þig sem ætti ekki að fara ofan í þig.
Sveppir eru strangt til tekið ekki grænmeti en þeir eru samt matur sem þú átt alltaf að elda áður en þeirra er neytt. Flestar þær sveppategundir, sem er hægt að kaup í verslunum, valda vægum einkennum ef þær eru borðaðar hráar. Þess utan dregur matreiðslan bragðið og megnið af næringarefnunum í þeim fram. Villtir sveppir eru allt annað mál, ef þú ert ekki 100% viss um hvað þú ert með í höndunum, þá ættirðu ekki að borða þá hráa eða eldaða. Það er ekki áhættunnar virði.
