The Independt skýrir frá þessu og segir að samkvæmt nýju lögunum verði skólar að hafa boðorðin tíu á áberandi stöðum við hlið annarra sögulegra skjala, til dæmis stjórnarskrárinnar og sjálfstæðisyfirlýsingarinnar.
Andstæðingar laganna segja að þau blandi saman ríkisvaldinu og kirkjunni á óviðeigandi hátt.
„Börnin okkar eiga að læra að lesa, skrifa, reikna, vísindi og tækni, til að gera þau að heimsklassa kynslóð sem getur borið þetta land áfram. Það á ekki að innræta þeim hvað segir hér og þar í biblíunni,“ sagði London Lamar, Demókrati frá Memphis, þegar frumvarpið var rætt í þinginu. Hann sagði að það sé á ábyrgð foreldra og fjölskyldna barnanna, eða einkaaðila, að kenna börnunum um Jesú Krist og kristna trú.
Jeff Yarbro, þingmaður frá Nashville, sagði að þingmenn ættu frekar að eyða tíma í að reyna að fylgja boðorðunum sjálfir og sagði að lögin muni örugglega enda fyrir dómstólum. Það sé óhjákvæmilegt að skattgreiðendur muni greiða kostnaðinn við dómsmálin.
