Margir hafa vanið sig á láta skjáinn á farsímanum vísa niður þegar þeir leggja símann frá sér. Þetta er gert nánast ósjálfrátt en væntanlega var upphaflega hugsunin á bak við þetta að koma í veg fyrir að skjárinn trufli þegar skilaboð berast eða í trú um að skjárinn sé öruggari. Þetta eitthvað sem við sjáum fólk oft gera heima hjá sér, á kaffihúsum eða í vinnunni.

Þetta virðist vera ósköp meinlaust en sérfræðingar hafa bent á að það fylgi því ákveðnir ókostir að láta símann snúa svona.

Eitt af því sérfræðingarnir nefna að sögn naftemporiki er að snjallsímar hitna við notkun. Þetta gerist aðallega þegar þeir eru í hleðslu eða þegar síminn er að nota orkufrek öpp. Þegar síminn liggur með skjáinn vísandi niður á við, getur loftstreymið í kringum hann verið takmarkaðra en annars. Þetta hefur ekki nein dramatísk áhrif en í vissum tilfellum getur síminn hitnað meira en gott þykir.

Raftæki virka best við stöðugt hitastig og með tímanum getur hærri hiti haft áhrif á líftíma rafhlöðunnar.

Það getur líka verið erfitt að heyra í símanum þegar skilaboð berast ef skjárinn vísar niður. Hátalarinn er oft neðst á snjallsímum. Borðplatan getur dempað hljóðið í símanum þegar hann hringir eða skilaboð berast.

Sumir símar eru einnig þannig gerðir að þeir dempa sjálfkrafa hljóðið ef skjárinn vísar niður. Það er því hætta á að eigandinn missi af hringingu eða mikilvægum skilaboðum.

Margir telja sig einnig vera að vernda skjáinn með því að láta hann vísa niður en það geta verið örsmáar rykagnir á borðinu og þær geta rispað skjáinn með tímanum.

Margir sérfræðingar ráðleggja fólki því að nota frekar hulstur eða skjávörn.