Í byrjun árs 2025 tók ný reglugerð Evrópusambandsins, númer 2025/40, gildi. Aðildarríki sambandsins verða að byrja að innleiða hana frá ágúst á þessu ári og á innleiðingunni að vera lokið að fullu í síðasta lagi um áramótin 2029/2030.

Reglugerðin snýst um að hótelin mega ekki lengur bjóða gestum sínum upp á sjampó, líkamssápu eða álíka efni í litlum flöskum. Talent24 skýrir frá þessu.

Frá og með 1. janúar 2030 mega hótel sem sagt ekki bjóða gestum upp sjampó og þess háttar í litlum umbúðum og verða þess í stað að notast við umbúðir sem er hægt að fylla á. Með þessu á að draga úr plastnotkun.

Margir hafa eflaust tekið eftir því að hótel víða um heim hafa nú þegar skipt litlu flöskunum út og bjóða þess í stað upp á áfyllanlegar flöskur.