Konan sem um ræðir heitir Christina Marie Plante, sem hvarf frá Star Valley, litlu samfélagi í fjalllendi norðaustur af Phoenix í Arizona. Hvarf hennar vakti mikla athygli á sínum tíma og var ráðist í umfangsmikla leit þar sem bæði lögregla og sjálfboðaliðar komu að.
Þrátt fyrir að rannsóknin hafi síðar verið skilgreind sem kalt mál var henni aldrei formlega lokað. Málið var reglulega tekið til endurskoðunar og síðar fært til sérhæfðrar deildar sem sinnir óupplýstum eldri málum.
Í tilkynningu frá skrifstofu sýslumanns í Gila-sýslu, sem NBC vitnar til, kemur fram að tækniframfarir og ítarleg endurskoðun málsins hafi skipt sköpum við að finna Christinu.
Af virðingu fyrir friðhelgi einkalífs Plante hafa yfirvöld ekki birt frekari upplýsingar um hvar hún fannst, við hvaða aðstæður eða hvernig hvarf hennar bar að á sínum tíma.
Christina hvarf þann 15. maí árið 1994 þegar hún var á gangi frá heimili sínu í leið að hesthúsi þar sem hún átti hest.
