Breski áhugarapparinn Ashley Warren var í gær dæmdur í tíu ára fangelsi fyrir breskum dómstólum eftir að hann var sakfelldur fyrir aðild að dauða tengdamóður sinnar, Esther Martin, á heimili hans í febrúar 2024.

Ashley þessi var eigandi tveggja hunda af tegundinni XL bully á heimili sínu í Essex þegar þeir réðust á Esther sem var 68 ára gömul. Tveimur dögum fyrir árásina hafði þessi hundategund verið bönnuð á Bretlandseyjum.

Auk þess að eiga tvo fullorðna hunda af þessari tegund var hann með átta hvolpa á heimili sínu.

Fyrir dómi kom fram að árásin hafi staðið yfir í að minnsta kosti tólf mínútur. Saksóknarar sögðu fyrir dómi að Ashley hafi vitað að búið væri að banna tegundina, en hann hafi látið eins og hann væri hafinn yfir lög.

Ashley var að taka upp tónlistarmyndband í London þegar tengdamóðir hans lést. Hann var sakfelldur vegna málsins í febrúar en í gær og var endanleg refsing tilkynnt í gær.