Par á áttræðisaldri fann ástina að nýju á öldrunarheimili í Georgíu og þann 23. desember síðastliðinn giftu Brenda Mullins og Bob Wagoner sig.

Mullins, 71 árs, var að syrgja eiginmann sinn til  48 ára þegar ráðgjafi ráðlagði henni að prófa öldrunarheimilið í Montgomery-sýslu árið 2023. Þar kynntist hún Wagoner, 74 ára, sem syrgði andlát móður sinnar.

Mullins sagði að aðrir íbúar á öldrunarheimilinu hefðu fljótlega tekið eftir því að þau mynduðu tengsl yfir sorginni og vaxandi vináttu þeirra.

„Og þá byrjuðu allir að para okkur saman: Þið tvö þurfið að hittast, þið þurfið að hittast.“ Wagoner sagði: „Það var frábær tilfinning að kynnast einhverjum, svolítið eins og maður væri unglingur aftur, orðinn taugaóstyrkur, pirraður, vonandi að allt myndi ganga upp, og það gerðist.“

Hjónin viðurkenna  að þau hefðu í fyrstu verið hikandi við að breyta vináttu sinni í ástarsamband. „Við vorum bæði svona: Ég vil ekki giftast, við verðum bara vinir, bara fara á stefnumót,“ sagði Mullins.

„Hann bað mig loksins um að giftast sér, en ég sagði að ég væri ekki tilbúin,“ hélt hún áfram og Bob minntist þess að segja: „Þegar þú ert tilbúin, þá læturðu mig vita.“

Þrátt fyrir að hafa vonast til að gifta sig í dómshúsinu leiddi stærð gestalistans til þess að parið ákvað að gifta sig á öldrunarheimilinu þar sem þau hittust fyrst. Brúðkaupsferðin er veiðiferð í vor.