Kynsjúkdómurinn lekandi breiðist hratt út í Svíþjóð þessi misserin. Tilfellin eru ekki mörg en fjölgun þeirra er mikil þegar hún er reiknuð í prósentum.
Norska ríkisútvarpið skýrir frá þessu og segir að það sem af er ári hafi fjögur tilfelli af lekanda, sem sýklalyf vinna ekki á, greinst.
Á síðasta ári greindust níu slík tilfelli.
Áður greindust að hámarki þrjú slík tilfelli á ári.
Heilbrigðisyfirvöld telja að smitkeðja sé opin í landinu og vilja að vonum rjúfa hana.
