Flugmaður sem var að framkvæma það sem átti að vera hefðbundið reynsluflug hefur vakið undrun hjá flugáhugamönnum eftir að hafa breytt ferðinni í skilaboð sem sjá mátti í rakningarappi.
Léttflugvélin fór frá Liverpool klukkan 11:30 á laugardagsmorgni og flaug um tvær klukkustundir yfir Wirral-skagann, Cheshire og Norður-Wales áður en henni var flogið aftur til Merseyside klukkan 13:30. Piper Tomahawk-vélin hafði verið yfirfarin eftir að nýr hlutur var settur í hana og flugmaðurinn fékk það verkefni að athuga hvort allt virkaði eins og til var ætlast.
Flugáhugamenn sem fylgdust með flugvélinni á Flightradar24 áttuðu sig fljótlega á því að óvenjulegar beygjur og sveiflur flugmannsins voru ekki bara hluti af eftirliti hans.
Þegar öll leiðin var skoðuð á kortinu, eins og notandi á X benti á, birtist flugleiðin með orðunum: I´m bored (Mér leiðist).
Flugmaðurinn, sem að sögn er flugkennari á þrítugsaldri, notaði greinilega reynsluflugferðina til að búa til skilaboðin á meðan hann var enn að ljúka nauðsynlegum prófunum .
BBC greindi frá því að Wayne Barrett, rekstrarstjóri Ravenair, sagði: „Ég held að flugmaðurinn hafi bókstaflega verið svolítið leiður þar sem þetta var bara prufuflug. Hafðu í huga að þetta var ansi snilldarlega flogið.“Barrett sagði að talið væri að íhluturinn sem skipt var út hefði verið sívalningur og útskýrði að prufuflug væri nauðsynlegt til að staðfesta að flugvélin starfaði rétt.
„Þegar þetta gerist tökum við flugvélina upp í prufukeyrslu til að ganga úr skugga um að allt sé í lagi, sem það var. Honum leiddist greinilega svolítið en hann þurfti líklega að einbeita sér mikið að lokum til að stafsetja svo hann var líklega allt annað en leiður.“
Segir hann flugmanninn ekki hafa fengið neinar ákúrur fyrir en flugið hafi vakið mikla athygli,
„Flugvélin er nú komin aftur heil á húfi í flugskýlið og flugmaðurinn er í fríi.“
„Er einhver sem steig upp í flugvélina í morgun og skrifaði: Mér leiðist, á himininn yfir vesturhluta Kirby hahaha.“
Anyone get on the pilot this morning writing "I'm bored" in the sky over west Kirby hahaha pic.twitter.com/mxiCuUh9sF
— ALBY LAD (@AlbyLad_) July 12, 2026
