Það tekur bara nokkrar sekúndur að mæla hversu hratt manneskja gengur. Þess vegna telja vísindamenn að gönguhraðinn geti verið gagnlegt tæki fyrir heilbrigðiskerfið.
Í umfjöllun Medical News Today kemur fram að með því að mæla gönguhraða eldra fólks sé hægt að finna þá einstaklinga sem þarf að rannsaka betur hvað varðar minnistap og/eða hugræna getu.
Vísindamennirnir leggja áherslu á að það að ganga hægt sé ekki merki um elliglöp í sjálfu sér. Það eigi alltaf að meta gönguhraðann ásamt almennu heilsufari viðkomandi.
Þegar við göngum þá vinna heilinn, vöðvarnir, sjónin, jafnvægið og taugakerfið náið saman. Þess vegna getur breyting á gönguhraða verið merki um að líkaminn eða heilinn starfi ekki alveg eins og áður.
Vísindamenn segja að regluleg hreyfing, styrktaræfingar, góður svefn, hollt mataræði og meðhöndlun á sjúkdómum á borð við of háum blóðþrýstingi og sykursýki.
Í rannsókninni, sem hefur verið birt í vísindaritinu Neurology var fylgst með fólki á níræðisaldri og gönguhraði þess var borin saman við niðurstöður minnisprófa og heilasneiðmyndir.
Gögnin voru fengin úr þremur stórum rannsóknum.
Niðurstöðurnar voru að fólk sem gekk hratt var um 50% síður líklegt til að glíma við hugræna hrörnun en þeir sem gengu hægar.
Vísindamennirnir leggja áherslu á að rannsóknin sanni ekki að það að ganga hratt komi í veg fyrir elliglöp. Segja þeir að niðurstöðurnar sýni bara tengsl á milli gönguhraða og heilbrigði heilans.
