Sjúklingum er oft ráðlagt að draga úr saltneyslu sinni til að ná stjórn á natríummagninu í líkamanum. Í nýrri rannsókn, sem hefur verið birt í vísindaritinu American Journal of Physiology – Renal Physiology, er sjúklingum ráðlagt að borða banana í staðinn fyrir að draga úr saltneyslu. Segja höfundar rannsóknarinnar þetta vera áhrifaríkari leið til að ná stjórn á blóðþrýstingnum.
„Þegar við erum með of háan blóðþrýsting, er okkur venjulega sagt að neyta minna salts,“ sagði Anita Layton, einn af höfundum rannsóknarinnar, að sögn The Independent og bætti við: „Rannsóknin okkar bendir til að það geti haft meiri jákvæð áhrif á blóðþrýstinginn að bæta fleiri kalíumríkum matvælum við hann, til dæmis banönunum eða spergilkáli, en að draga bara úr saltneyslu.“
Rannsóknin leiddi í ljós að með því að auka neyslu kalíum, og þar með auka hlutfall þess miðað við natríum, geti haft meiri áhrif til lækkunar blóðþrýstings en bara að draga úr neyslu natíum.
Fyrri rannsóknir sýndu að aukin kalíumneysla hjálpar til við að hafa stjórn á blóðþrýstingnum en óljóst hefur verið fram að þessu hvaða hlutfall á milli kalíum og natríum er áhrifaríkast.
