fbpx
Þriðjudagur 20.maí 2025
Pressan

Vendingarnar í máli Émile litla – Lögregla hleraði símana mánuðum saman

Pressan
Miðvikudaginn 26. mars 2025 14:30

Émile. Mynd: Franska lögreglan

Ekki missa af Helstu tíðindum dagsins í pósthólfið þitt

Lesa nánar

Eins og greint var frá í gær voru afi og amma Émile Soleil, tveggja ára drengs sem hvarf frá heimili þeirra í Haut-Vernet í Frakklandi sumarið 2023, handtekin grunuð um að hafa orðið honum að bana og falið svo líkið.

Mikið var fjallað um mál drengsins, Émile Soleil, á sínum tíma en hann hvarf þegar hann var í heimsókn hjá afa sínum og ömmu í umræddu þorpi. Í mars 2024 fundust líkamsleifar hans, þar á meðal höfuðkúpa, skammt frá staðnum þar sem hann sást síðast á.

Sjá einnig: Risastórar vendingar í máli Émile litla sem hvarf sumarið 2023

Philippe og Anne Vedovini, sem bæði eru 59 ára, voru handtekin í morgun og færð í varðhald ásamt tveimur börnum sínum sem eru um eða innan við tvítugt. Þá var húsleit gerð á föstum dvalarstað þeirra sem er í nágrenni frönsku borgarinnar Marseille.

Le Parisien greindi frá því í gærkvöldi að lögregla hefði hlerað síma nánustu aðstandenda Émile mánuðum saman áður en hún lét til skarar skríða. Þá greindu fjölmiðlar frá því að yngra barn hjónanna sem var handtekið, 18 ára piltur, hafi verið rifinn úr rúminu sínu í gærmorgun af lögreglumönnum sem ruddust inn gráir fyrir járnum.

Þessar símhleranir virðast hafa gert það að verkum að lögregla er viss í sinni sök um hver réði drengnum bana.

Lögregla hefur gert húsleit á heimili hjónanna og er hestakerra sögð vera á meðal sönnunargagna í málinu. Leikur jafnvel grunur á að kerran hafi verið notuð til að flytja lík Émile eftir andlát hans.

Ekkert hefur verið gefið upp um ástæðu þess að drengnum var ráðinn bani en vænta má þess að frekari upplýsingar komi fram á næstu dögum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Hryllingshúsið í Gloucester“ var vettvangur hroðalegra myrkraverka West-hjónanna

„Hryllingshúsið í Gloucester“ var vettvangur hroðalegra myrkraverka West-hjónanna
Pressan
Fyrir 2 dögum

Vísindamenn vara við – Getur valdið ótímabærum dauða

Vísindamenn vara við – Getur valdið ótímabærum dauða
Pressan
Fyrir 2 dögum

Guðfaðir gervigreindar segir að svona miklar líkur séu á að gervigreind nái völdum á jörðinni

Guðfaðir gervigreindar segir að svona miklar líkur séu á að gervigreind nái völdum á jörðinni
Pressan
Fyrir 2 dögum

Þessar matvörur er hægt að borða í nánast ótakmörkuðu magni án þess að fá samviskubit

Þessar matvörur er hægt að borða í nánast ótakmörkuðu magni án þess að fá samviskubit
Pressan
Fyrir 3 dögum

Fékk þungan dóm eftir ólýsanlegan harmleik í barnaafmæli

Fékk þungan dóm eftir ólýsanlegan harmleik í barnaafmæli
Pressan
Fyrir 3 dögum

Ert þú ofur-sofari? Sjaldgæf stökkbreyting gerir að verkum að sumir þurfa bara 4 klukkustunda svefn

Ert þú ofur-sofari? Sjaldgæf stökkbreyting gerir að verkum að sumir þurfa bara 4 klukkustunda svefn