Þetta segir Errol Musk, faðir Elon Musk, í samtali við fréttastofu Reuters.
Þeir félagar hnakkrifust á samfélagsmiðlum í síðustu viku og meðal annars hótaði Trump beinum aðgerðum gegn fyrirtækjum Musk. Auðkýfingurinn svaraði fyrir sig með því að gefa til kynna að án hans hefði Trump aldrei orðið forseti.
Þegar Errol var spurður hvort hann teldi að sonur hans hefði gert mistök með því að ráðast opinberlega að forsetanum sagði hann að stundum ætti fólk erfitt með að hugsa rökrétt í „hita augnabliksins“.
„Þeir hafa verið undir miklu álagi í fimm mánuði. Nú þegar allri andstöðu hefur verið rutt úr vegi og tveir einstaklingar eru eftir á vígvellinum, þá hafa þeir í raun bara eytt öllu – og nú eru þeir að reyna að eyða hvor öðrum – og þeir verða að hætta því,“ sagði hann.
Þegar hann var spurður hvernig þessu myndi ljúka sagði hann: „Ó, þetta mun enda á góðum nótum – mjög fljótlega.“
