Bandaríski sálfræðingurinn Daniel Amen segir um þetta: „Þú ert ekki alveg alkóhólisti en þú átt ekki í heilbrigðu sambandi við áfengi.“
Ef þú tengir þig við þetta, þá ertu hugsanlega meðal þeirra sem falla undir nýtt hugtak „Grey Drinking“. Það nær yfir einhverskonar grátt svæði varðandi áfengisneyslu.
„Grey Drinking“ vísar til þess að fólk sé ekki háð áfengi en drekki samt meira en fólk gerir að meðaltali, sérstaklega þegar það hafði bara hugsað sér að fá sér einn bjór með vinunum.
Þrátt fyrir að fólk, sem hagar áfengisneyslu sinni með þessum hætti, detti ekki niður sökum ölvunar daglega, þá getur verið erfitt að uppgötva að það eigi í vanda með að stýra áfengisneyslu sinni.
Amen segir að nokkur atriði geti hjálpað til við að sjá hvort fólk glími við áfengisvanda.
Afleiðingar – Ef drykkjan hefur vandamál í för með sér – óháð því hvort þær eru heilsufarslegar, skaða tengsl við annað fólk, lagaleg eða fjárhagsleg og drykkjunni er samt sem áður haldið áfram, þá er um vandamál að ræða.
Vanlíðan daginn eftir – Ef þú vaknar að morgni og líður illa eftir að hafa drukkið kvöldið áður, án þess að hafa ætlað að drekka, getur það verið vísbending um að þú glímir við áfengisvanda.
Deilur í sambandinu – Ef þú segir hluti, sem þú segir aðeins þegar þú hefur drukkið, við maka þinn eða börn, þá er það vandamál.
