Konan, sem byrjaði nýlega að búa með unnustanum skrifaði að henni hafi brugðið mjög þegar hún uppgötvaði að hann skipti um nærbuxur eftir kvöldsturtuna en ekki á morgnana, eftir að hafa sofið í þeim. Sagði hún þetta „undarlegt“ og velti fyrir sér hvort fleiri hafi upplifað eitthvað álíka hjá mökum sínum eða hvort viðbrögð hennar væru of harkaleg.
„Ég komst að því að hann skiptir um nærbuxur eftir að hafa farið í bað á kvöldin og að hann skiptir ekki um nærbuxur á morgnana eftir að hafa sofið í þeim alla nóttina. Mér finnst þetta mjög undarlegt og mér finnst að maður eigi að skipta um nærbuxur í hvert sinn sem maður fer á fætur og klæðir sig fyrir daginn,“ skrifaði hún.
Viðbrögð annarra voru ansi blendin. Sumir tóku undir skrif konunnar og sögðu svona hegðun gefa tilefni til að hafa varann á sér varðandi sambandið. „Það er kominn tími til að íhuga þetta samband vel. Þú átt svo miklu betra skilið en þessa undarlegu hegðun,“ skrifaði einn notandinn.
Annar skrifaði: „Vandamálið er ekki að það sé sofið í nærbuxum, það er að sömu nærbuxurnar séu notaðar í 24 klukkustundir. Það finnst mér viðbjóðslegt.“
En aðrir vörðu manninn og sögðu þetta í raun líkjast venjum marga karlmanna því hann fari í bað daglega og skipti um nærbuxur. Þessir notendur vefsins sögðu konuna bregðast of harkalega við og að hún eigi að vera þakklát fyrir að maðurinn þrífi sig daglega. „Hann skiptir um nærbuxur daglega og fer í bað daglega. Það er ekkert til að hafa áhyggjur af. Það eru margir sem hafa það verra,“ skrifaði einn.
Ýmsir sérfræðingar hafa tjáð sig um þetta í gegnum tíðina. Einn þeirra, Dr. Chun Tang, sem er læknir hjá Pall Mall Medical á Englandi, sagði til dæmis í samtali við Daily Mail að það sé auðvitað ekki ákjósanlegt að vera í sömu nærbuxunum dögum saman en bómullarnærbuxur sé hægt að nota í tvo daga ef þær anda og fólk þrífur sig vel.
